Преполевен е бројот на вработени во штипскиот основен суд. Недостасуваат судии, но и судски службеници, според системација во овој суд треба да се вработени вкупно 120 лица, а во моментов во судот има 79 вработени, од кои и 13 судии. На предметите, сепак, работат 12 судии, меѓу кои и претседателот на судот, а на еден судија работното место му е во мирување, бидејќи е член на Судскиот совет. Во најголемиот суд во источниот регион испразнети се шест судиски места.
Продолжува напливот тужби во делот на работните спорови. Вработените од Министерствата за внатрешни работи и одбрана и понатаму се меѓу најбројните, кои го тужат својот работодавец, а во штипскиот суд вакви тужби пристигнуваат и од други градови во земјава.
Претседателот на судот, Андонов забележува дека постојните судии се преоптеретени со работа и ја надминуваат нормата за решавање на предмети.
Викторија Јованова