Телефонски разговори на првата дама на САД, Меланија Трамп протекоа во јавноста. Таа тајно била снимана летото 2018 година во екот на критиките на сметка на претседателот Доналд Трамп поради одвојување на фамилиите кои нелегално влегле во САД.
-Велат дека сум соучесник. Иста сум како него, го поддржувам. Не зборувам доволно, не работам доволно таму каде што сум, вели Меланија на снимката која тајно ја снимила Стефани Винстон Волкоф, поранешна пријателка и советничка на првата дама.
Снимките ексклузивно беа објавени синоќа на емисија на Си-Ен-Ен, каде Меланија се жали дека нејзината работа не била признаена.
„Не се за***вајте со мене“, вели Меланија за новинарските прашања во врска со политиката на Трамп за раздвојување на бегалските семејства.
„Каде беа кога Обама го правеше тоа“, се слуша на снимката.
Снимките исто така покажуваат дека на Меланија и било преку глава од подготовките за прославата на Божиќ во Белата куќа.
„Кого го заболе за божиќните глупости и украси. Но, сепак морам да го правам тоа, нели?”, негодува првата дама во разговор со Волкоф од јули 2018 година.
Претседателот Трамп уште од 2017 се пофали дека како претседател повторно ќе честита со пораката Среќен Божиќ, наместо со изразот Среќни празници кој се користел во претходните неколку години.