Шеесет и двегодишен пациент починал во загрепската болница откако медицински персонал во болницата за време на хемодијализа во вената му вбризгале дезинфициенс.
Болницата прво објави дека е инјектирана погрешна супстанција, додека подоцна управникот на болницата, д-р Томислав Новинчак, рече дека медицинскиот пепарат на пациентот му бил даден интравенски наместо локално.
Запрашан како е можно да се случила таква грешка, д-р Тошиќ-Грлач вели дека дезинфициенсот во болниците е вообичаено средство кое се наоѓа на количките на медицинските сестри.
„Грешката е можна и, за жал, се случи“, рече таа, пренесува порталот „Индекс“.
Според соопштението на болницата врз пациентот, кој бил во самоизолација поради контакт со заболен од коронавирус, завчера била извршена рутинска терапија на хемодијализа.
„За време на постапката интравенски е применето недозволливо средство кое инаку рутински се применува локално кај такви и слични постапки. И покрај моментно преземените мерки за максимално интензивно и реанимациско лекување, настапи мултиорганско затајување на органите и смрт на пациентот, па е индицирана обдукција – се наведува во соопштението од болницата.
Министерот за здравство, Вили Берош, во Загреб изјави дека во болницата е испратена здравствена инспекција и потврди оти постои сомнеж за стручна грешка.
Телото на 62-годишникот е пренесено во Институтот за судска медицина и криминологија во Загреб, каде што треба да се утврди од што точно починал.