Германскиот министер за економија Питер Алтмајер е вториот член на владата во Берлин што од вчера е во карантин поради епидемијата на коронавирусот, пренесуваат британските медиуми.
Тој најави дека ќе остане дома бидејќи бил во контакт со помошникот на еден од неговите колеги министри во ЕУ, чиј тест за коронавирусот бил позитивен.
Претходно, и министерот за надворешни работи Хајко Мас соопшти дека од вчера е во карантин, откако било утврдено дека еден од неговите телохранители има Ковид-19.
Иако првиот тест на министерот покажа дека Мас е негативен, тој ја откажа планираната посета на Јордан, се наведува во соопштението на германското министерство.
Веста за Мас доаѓа само еден ден откако беше одложена средбата на лидерите на ЕУ, бидејќи претседателот на Европскиот совет, Шарл Мишел, е ставен во карантин поради контакт со лице заразено со коронавирусот.