Светската атлетска федерација ја потврди одлуката според која на натпреварувачите од Русија нема да им биде дозволен настап на претстојниот Мундијал што ќе се одржи во Јуџин.
Федерацијата уште во февруари оваа година поради инвазијата на Русија врз Украина им забрани на атлетичарите од оваа земја да бидат дел од големите натпреварувања, а првиот човек на организацијата потврди дека оваа одлука важи и за шампионатот во Јуџин.
Во прилог на оваа одлука беше објавен список од 18 руски атлетичари кои може да настапуваат на атлетските митинзи и тоа како неутрални спортисти, но забраната за настап на Светскиот шампионат останува на сила.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.