Поранешниот министер за здравство Венко Филипче ќе има лично обезбедување и возач потврдуваат од МВР, но не заради закани и на лично барање.
Претходно, дел од медиумите повикувајќи се на високи извори од Министерството, објавија дека Филипче имал смртни закани и самиот побарал полициска заштита.
Тој во одговор за Телма ги негира овие наводи и вели дека обезбедувањето му е продолжено според проценка на Агенцијата за национална безбедност, на уште шест месеци.
Во соопштението на Министерството за внатрешни работи се наведува дека може да се определат мерки за обезбедување по престанокот на функцијата на членови на Владата и токму затоа Венко Филипче во моментов е обезбедуван од полицијата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.