Вести Македонија

Полицијата го откри и приведе напаѓачот кој во гостиварско со секира им се заканувал на медиумски работници

Закани со секира, навреди и физички напад пријавила новинарска екипа на Регионалната телевизија Полог. Според сведоштвото на новинарот Невриј Адеми, вчера додека снимале прилог во основното училиште во селото Ѓурџевиште, општина Врапчиште, едно лице најпрво вербално, а потоа и физички ги нападнал, по што тие се упатиле кон автомобилот и возеле до најблиската полициска станица.

Полицијата вчера го лишила од слобода напаѓачот, разговорано е со него и е пуштен, а во координација со јавен обвинител ќе му биде изготвен соодветен поднесок.

Новинарот Адеми порачува Обвинителството да преземе соодветни мерки за да не се повторуваат вакви случаи.

За овој случај преку соопштение се огласија од Здружението на новинари на Македонија, поздравувајќи ја брзата реакција на МВР за приведување на напаѓачот, при што порачаа дека заштитата на новинарите и нивната безбедност е предуслов за информирање на граѓаните, посебно во мали средини, со цел да постои поголема присутност на теми кои се од локален јавен интерес.

Нападот најостро го осудија и од Агенцијата за аудио и аудиовизуелни медиумски услуги, со порака дека навремената и соодветна реакција на надлежните институции е клучна во разрешувањето на случајот и за превенција на вакви и слични појави во иднина.

Данијела Билбилоска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Европратениците утре ќе гласаат за извештајот за Македонија

Дејан Дејан

Ангелов: Имаме доброволци, имаме професионалци од ТППЕ, цврсто сум решен да направам и специјалци пожарникари

Дејан Дејан

Ангелов: Зад сите пожари, би рекол, стои човечки фактор, лани имавме неколку пожари од грмотевици и од допир на жици

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе