Лидерите на СДСМ и на ВМРО-ДПМНЕ, Ковачевски и Мицкоски бараат собранискиот спикер Талат Џафери веднаш да ја свика Комисијата за избори и именувања, а пратениците да постигнат консензус за учеството на партиите во работните тела. Заминувањето на БЕСА во опозиција и доаѓањето на Алтернатива на власт „ги измеша лончињата“. Власта изгуби мнозинство во 7 од вкупно 22 комисиии, вклучувајќи ја Комисијата за избори и именувања додека опозицијата го изгуби претседателското место во труд и социјална политка каде претседателот е од Алтернатива.
СДСМ го обвинува ВМРО-ДПМНЕ за опструкција, а тие пак власта за злоупотреба на деловничките процедури.
Од Кабинетот на Џафери не добивме одговор кога собрансикиот спикер планира да ја закаже Комисијата за избори и именувања, и дали има напредок кај партиите за деблокада. Пред неколку недели тој соопшти дека не може да закаже седница затоа што има опструкции и изигрување на процедурите. Комисијата не одржала седница повеќе од половина година. Од ова работно тело зависи изборот на четворица уставни судии, на членови на советот на МРТВ, Агенцијата за медиуми и други.
Јулијана Пешевска
