Собранието падна на испитот за квалитетот на дебатата во последните шест месеци од минатата година. Истражувањето на Институт за демократија покажа многу ниско ниво во дискусиите, пониско и од првите шест месеци од истата година.
Поактивни биле пратениците од опозицијата, кои учествувале во 62 отсто од дискусиите, додека пратениците од власта учествувале во 38 отсто. Најчесто за збор се јавувале пратениците Бојан Стојаноски и Панчо Минов. Меѓу најактивните 10 пратеници, пет се пратенички: Гордана Сиљјановска Давкова, Жаклина Лазаревска, Марија Георгиевска, Лидија Петкоска и Бети Стаменкоска Трајкоска.
Во 52 отсто од дискусиите, пратениците немале аргументи и повеќе се осврнувале кон личноста на соговорниците, отколку кон законите. Новина е што, е забележана промена на став кај 9 пратеници поради подобри аргументи на колегите од другите партии. Аналитичарите забележуваат дека ова е позитивен отскок, со оглед на тоа што во досегашните извештаи вакво нешто било вистинска реткост.
Во овој период е одржана само една седница на пратенички прашања, од шест кои се предвидени во собранискиот деловник, а остануваат и старите проблеми.
Од Институтот препорачуваат овие постапки да се користат внимателно и минимално, а да се зголеми информираноста и знаењата на пратениците за темите кои се предмет на дискусија.
Далиборка Демјанска Цветановска