Убавото време привлече голем број посетители денот да го поминат на скијачкиот центар Попова Шапка. Во анкета велат дека планината има природен потенцијал, но потребно е подобрување на инфраструктурата.
Од ЕЛЕМ Турс, пак, се пофалија дека оваа година се реализирани повеќе активности за модернизација на ски-центарот. Поставени се јавни тоалети, две нови бачила, додека новиот систем за осветлување ќе овозможи ноќно скијање на стазата Аеродром.
Долгогодишнот проблем со немањето паркинг место ќе се ублажи со ставање во функција на две хотелски паркиралишта.
Официјалниот почеток на сезоната на скијачкиот центар Попова Шапка ќе биде на 15 декември. Од раководството најавуваат два дена бесплатно скијање.
Данијела Билбилоска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.