Ловечката куќа на Пелистер е вториот објект што изгоре после големиот пожар во 2013 година што го пеплоса планинарскиот дом Копанки.
За Телма од противпожарната бригада во Битола информираат дека не интервенирале, бидејќи за пожарот дознале од медиумите.
Објектот се наоѓа на 1950 метри надморска височина, на патот што води до Антена.
Овој објект порано го користеле вработените во МРТВ, а подоцна со него се служеле планинарите.
Телма неофицијално дознава дека за време на викендот во објектот престојувале луѓе. До моментов на објавување на оваа вест одговор за тоа кога се случил пожарот во Ловечката куќа на Пелистер од Противпожарната единица во Битола не добивме.
Мартин Николовски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.