Министерот за здравство Венко Филипче утрово разговараше со д-р Иван Поромански, директор на болницата „Пирогов“ во Софија, каде се хоспитализирани седумте пациетни кои ја преживеаја автобуската сообраќајка која се случи вчера утрото на автопатот „Струма“ во Бугарија.
Сите пациенти, како што соопшти Министерството за здравство, се стабилни и се под постојан лекарски надзор, а дадена им е и психолошка поддршка.
На двајца пациенти им е извршен хируршки зафат, еден е опериран на ногата, а помал хируршки зафат е извршен кај девојка, на која и е оперирано коленото. Тие се чувствуваат добро. Сите седум пациенти ќе останат на болничко лекување до петок, а потоа ќе се направи план за нивен транспорт во Скопје, информираат од Министерството.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.