Овие избори значеа референдум за оваа влада и нејзините политики. Заев мора да падне затоа што ги изневери очекувањата на народот, владее со измами и пазарења, рече лидерот на ВМРО ДПМНЕ, Христијан Мицкоски на денешната прес конференција.
ВМРО ДПМНЕ влегува храбро и се ставаме на страна на народот, затоа по изборите тргнав во создавање на ново мнозинство. Заедничкиот блок меѓу ВМРО ДПМНЕ, Алијанса за Албанците- АЛтернатива, партијата Левица и движењето БЕСА е коалицијата против криминалот на власта. Очекувам мнозинството да се зголеми. Ќе се обидам ќе се обидам да формирам нова влада само ако сум сигурен дека тоа ќе биде влада на сериозен кредибилитет. Ако не се постигне оваа цел и не обезбедам полна ефикасност на владата, ми останува да барам брзи предвремени парламентарни избори за народот да одлучи за новата иднина, рече Мицкоски.
Не сакаше да го коментира ФБ статусот на Апасиев од Левица кој напиша дека нема да биде дел од владата со ВМРО ДПМНЕ, туку со нивните потписи само помагаат да падне владата на Заев.
Мицкоски рече дека ја очекува оставката во Собранието од Заев во понеделник, и ако не се достави, ќе ја активира инцијативата за гласање недоверба на актуелната влада.
