Муслиу: Советниците од Штип и Аеродром го прекршија законот

Прекршен е законот, ова е укажувањето на Инспекторите од локална самоуправа кои ги чешлаа свечените изјави потпишани од советниците на Штип и Аеродром, на кои го нема целосното име на државата Северна Македонија.

Препораката од инспекторатот е овие незаконски изјави во пропишаниот рок да бидат сменети.

Вакви случаи има и во скопска Кисела Вода, за разлика од Сопиште каде сите советници и од ВМРО – ДПМНЕ и од СДСМ, потпишале свечени изјави за мандат со уставното име.

Вишиот инспектор Муслиу од Државниот инспекторат за локална самоуправа најави дека за три дена ќе изготват став. Тој потврдува дека уште во мај биле променети статутите на општините во однос на уставното име кое треба да стои во сите документи.