Поранешниот министер за транспорт и врски и директор на Царинската управа, по поразот на локалните избори за градоначалник на Прилеп, поднесе оставка од функцијата претседател и член на Надзорниот одбор на СДСМ. Сугарески својата оставка ја објави на Фејсбук профилот.
Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ, пишува Сугарески на својот Фејсбук профил.
Тој вели дека извршувањето високи партиски и државни функции, покрај другото подразбира и одговорност кон граѓаните и членовите на нашата партија.
– Во таа насока, оставката претставува мој придонес за што побрза консолидација на партијата и што поскоро враќање на победничките патеки, додава Сугарески.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.