Дел од клубовите кои се косопственици на кошаркарската Евролига донесоа одлука за смена на извршниот директор на ECA (Евролига и Еврокуп), Жорди Бертомеу.
Шеесет и две годишниот Шпанец на чело на ECA беше 22 години, но очигледно незадоволни од неговата работа во последниов период, шест од 11 клуба решија да го сменат од челната позиција.
За смена на Бертомеу гласаа ЦСКА, Макаби, Олимпијакос, Панатинаикос, Армани Милано и Жалгирис додека за негово останување својот глас го дадоа трите тима од Шпанија, Реал Мадрид, Басконија и Барселона како и двата турски претставници Анадолу Ефес и Фенербахче додека Асвел и Баерн иако се дел од сопственичката структура немаат право на глас.
Бертомеу на чело на ECA ќе остане до 30 јуни следната година, но се шпекулира дека остане во компанијата како консултант на новиот менаџмент. Смената на Бертомеу се навести уште во текот на летото кога тој доби отказ на позицијата во Управниот одбор на натпреварувањето.
