Герасимовски: Независно тело од архитекти ќе одлучува за градбите во Центар

Независно тело од архитекти ќе одлучува за градбите во Центар, изјави денеска Горан Герасимовски, кандидатот на СДСМ за градоначалник на Центар.

Најважното е што во ова тело нема да има ниту еден партиски член, ниту било каков притисок кој се однесува на урбанизација, рече тој. Герасимовски вети дека целосно транспарентно отворено заедно со граѓаните и со стручните луѓе ќе изнаоѓа поквалитетни решенија кои ќе го подобрат функционирањето на жителите на Центар. Тој најави и повеќе сообраќајни решенија како еднонасочни улици и пешачки зони.

Граѓаните во Центар но и во државата, како што рече, мора да ги менуваат перцепциите и начинот на функционирање со повеќе пешачења и со повеќе возење на велосипеди, рече Герасимовски.