Камерата на репортерот на Телма, Огнен Чанчаревиќ, ги регистрираше денеска последиците од страотниот пожар кој се ширеше над Кочани и беше изгаснат во текот на минатата ноќ.
Изгорена трева, дрвја, покриви на куќи, уништени автомобили и земјоделска механизација, усмртени животни – слики кои наликуваат на воена зона. На теренот е присутно и противпожарно возило со пожарникари од Кочани.
Огнената стихија му се закануваше на градот на неколку локации а овие апокалиптични снимки само потврдуваат каква трагедија беше избегната благодарение на пожртвуваната интервенција на пожарникарите, но и бројни локални жители.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.