Имиња на истакнати членови на СДСМ, министри градоначалници функционери. Меѓу нив и она на Тања Чачарова Илиевска на листите на донатори на партијата. Таа сега е кандидат за член на судскиот совет, институција која ја контролира работата на судиите, но нејзиното име го има на неколку листи на донатори на СДСМ. Давала пари и во предизборна кампања и за партијата. Така во годишниот извештај за 2018 та е евидентирано дека на сметка на СДСМ уплатила пари во два наврати, во првата половина од годината 5540 денари, а во втората 7 500.
Во годишниот извештај за 2020 та година пак пишува дека донирала 17 200 денари. Но во извештајот од предизборната кампања за коалицијата „Можеме“ која ја поддржувала и преку својот фејсбук профил под број 121 Чачарова Илиевска пишува дека донирала 5 600 денари. Ја има и подолу со 16 000 денари. Таа не е кандидат за функција во законодавната и извршанат власт, туку за во судската, па уште понејасно е зошто ја финансирала владеачката партија.
Вчера Телма објави дека по 7 месеци работа, адвокатската канцеларија Чачарова повторно ќе биде затворена, а таа може да заврши во државните служби. Била советничка на премиерот Зоран Заев, но во комисијата за избори и именувања помина, па е на добар пат да биде избрана за член на Судскиот совет.
Вчера за Телма Чачарова Илиевска тврдеше дека не е дел од политичка структура и дека секогаш и било чест кога некој од неа барал адвокатски услуги и правни консултации. Во канцеларијата на премиерот Заев била вработена во постојан работен однос како што рече врз основа на стручните достигнувања. членувањето во судскиот совет и претставува предизвик како на секој адвокат којшто сака напредок во кариера. Но за лидерот на опозициската ВМРО ДПМНЕ Христијан Мицковски ова е причина зошто Македонија не е правна држава и нема независно судство.
Зошто сме 111-ти по корупција и најлоши во Европа;
И зошто со Заев нема да не биде. Советник на Заев, финансиер на СДСМ, владин член на бордот на Телеком Тања Чачарова Илиевска, сега претставена за независен експерт и предлог за член на Судскиот совет. Ова се тие европски вредности на Заев.
Инаку судскиот совет се грижи за независноста и професионалноста на судството, ги разгледува претставките на незадоволните граѓани и најбитното избира и разрешува судии, претседатели на судови и поротници. Исто така контролира и определува како ќе се троши судскиот буџет. Чачарова ќе стане член на судскиот совет доколку добие потребно собраниско мнозинство. Претходно реакции имаше и за претседателката на Судскиот совет, Павлина Црвенковска која била на раководни и советнички функции во претходните влади на СДСМ.
Билјана Николовска