Иако во последните три години со два ревизорски извештаи беше укажано дека речиси две третини од водите кои се црпат за локалните водоводи исчезнуваат односно се загуба, никој од надлежните ниту превзема одговорност ниту менува нешто во оваа лоша практика.
Ревизорите пресметале дека на годишно ниво загубата е над 10 милиони евра, а КОД во вечерашната емисија открива и дека најчесто локалните комунални претпријатија прибегнуваат кон тактика да не ги издаваат фактурите за кои со сигурност знаат дека нема да им бидат платени.
И покрај тоа загубите се огромни, а рекордер е Дебар каде 84 проценти од исцрпената вода не завршува за пиење туку е загуба.
Во вечерашната емисија на КОД и зошто кражбата на струја е кривично дело, додека за водата кое е природно богатство истото не важи и никој не ги гони оние што ја фрлаат водата во празно.
Во КОД вечерва во 19.15 на Телма и приказните кои ја одбележаа изминатата сезона на оваа емисија.