Вкупно 10 лица се повредени, меѓу кои две деца, во тешка сообраќајна несреќа на патот Кичево – Охрид, во близина на селото Другово. Несреќата се случила вчера попладне, сите лица се пренесени во Медицинскиот центар во Кичево каде се констатирани повредите.
„На 27.07.2026 во 13:35 часот во ОВР Кичево било пријавено дека на магистралниот пат Кичево – Охрид, во близина на с. Другово, се случила сообраќајна несреќа помеѓу патничко возило „Фолксваген Тигуан“ со прилепски регистарски ознаки, управувано од Љ.М. (76) од Прилеп, патничко возило „Фолксваген Голф“ со скопски регистарски ознаки, управувано од С.П. (41) од Скопје и патничко возило „Цитроен“ со кичевски регистарски ознаки, управувано од Р.Р. (48) од с. Грешница, кичевско. Во несреќата со тешки телесни повреди се здобил сопатникот од патничкото возило „Цитроен“, С.Р. (79) од с. Грешница, кичевско, додека со телесни повреди се здобиле тројцата возачи и нивните сопатници Г.Р. (45) од с. Грешница, Ц.М. (76) од Прилеп, М.П. (34) и нејзините две малолетни деца, сите од Скопје, констатирани во Медицински центар Кичево. Извршен е увид од увидна екипа на ОВР Кичево“, се наведува во соопштението на министерството за внатрешни работи (МВР).