Општина Крушево информира дека водата од градскиот водовод е здравствено исправна и безбедна за употреба. Според трите последователни лабораториски анализи направени од Центарот за јавно здравје – Прилеп, водата ги исполнува сите законски пропишани стандарди за квалитет.
Привременото нарушување на квалитетот било предизвикано од прекин во системот за хлорирање поради проблеми со електричното напојување.
По отстранувањето на дефектот, биле преземени мерки за нормализирање на процесот и спроведени дополнителни контроли.
Граѓаните на Крушево можат слободно да ја користат водата од јавниот водовод за пиење, подготовка на храна и останати домашни потреби.
Општината и јавното комунално претпријатие ќе продолжат со редовен мониторинг за да се обезбеди сигурно и квалитетно водоснабдување.