Министерот за надворешни работи Бујар Османи негираше дека на средбите во Софија биле преземени обврски, како што попладнево објави бугарското Министерство за надворешни работи. Во гостување на Канал 5 телевизија, Османи рече дека било разменети идеи за продолжување на разговорите во рамки на португалскиот предлог.
Овие решенија се разменети како идеи и предлози на состанокот. Идејата и договорот беше на нив да се одговори пред Самитот. Доколку имаме договор, тоа да се преточи во поддршка и тогаш би имале комплетен договор – дефиниран патоказ, прашањата кои ги решава предлогот на поругалското претседателство во однос на јазикот и позицијата на патоказот во европскиот процес и плус зелено светло за почеток на преговорите. Негативното е што овој одговор од Софија доаѓа по Советот, значи ја немаме одлуката, но предноста е што ова е индикација дека начелно се прифаќаат идеите како да се надмине проблемот, појасни Османи.