Кабинетот на премиерот Зоран Заев попладнево испрати информација во која негира дека прашањето за промена на знамето, грбот и химната е ставено на маса, како што во телевизиско интервју кажа лидерот на ДУИ, Али Ахмети.
“Ниту во Владата, ниту во владејачката партија СДСМ, ниту со премиерот Заев не е разговарано за промена на знаме, грб или химна на државата” – реагираат од кабинетот на премиерот.
Од таму додаваат дека тие не ни забележале дека Ахмети изјавил дека
било разговарано со премиерот Заев или со било кој друг претставник на политичките субјекти во власта.
“Сметаме дека државата треба да се фокусира со сите свои капацитети на политиките кои носат развој, економија и повеќе пари за граѓаните. Владата ќе продолжи на тој пат” – велат од кабинетот на премиерот.
Ахмети во вчерашното интервју посочи дека знамето и грбот веќе се ставени на маса и за нив се разговара со Премиерот Заев, додека прашањето на нова химна на државата е само прашање на време.