Сите полнолетни, работоспособни и деловно способни лица, кои сакаат да бидат градоначалници на општина или на градот Скопје, можат да се пријават на огласот на СДСМ, распишан денеска. Услов е, да бидат „чесни и угледни индивидуи, кредибилни и препознаени во локалната средина, кои ги поддржуваат политиките на партијата и имаат идеи да ги надградуваат, но и ги споделуваат социјалдемократските вредности и идеали.
Ново овојпат е што, од кандидатите се бара да достават детална програма со предлог идеи, проекти и визија за развој на општината или градот Скопје за периодот 2021-2025 година. Огласот ќе трае до крајот на месец јуни, по што ќе следува евалуација, а и истражувања на јавното мислење за да се провери рејтингот на кандидатите кои ќе влезат во потесен круг.
Бирањето кандидати на овој начин не е новина во СДСМ. Оглас беше распишан и пред изборите за претседател на државата, на кој беа пријавени 24 кандидати. На крај, потесното раководство го избра Стево Пендаровски.
Далиборка Демјанска Цветановска
