Во очекување на исходот од разговорите Софија – Скопје, европските политичари одбегнуваат директен одговор што доколку до вторник не се постигне договор за кревање на бугарската блокада за почеток на преговори. Министерот за надворешни работи на Словенија, Анже Логар вели дека Словенија, како иден претседавач со Унијата, ќе ги продолжи заложбите на португалското претседателство. Тој денеска во Братислава на ГЛОБСЕК форумот се сретна со министерот за надворешни работи Бујар Османи.
Како што информираат од МНР, на средбата се зборувало и за развојот и потенцијалите на билатералните односи, но доминираа темите поврзани со европската агенда на Северна Македонија, тековните дискусии за преговарачката рамка за земјата, како и за нашите очекувањата за одржување на првата Меѓувладина конференција во рамките на протугалското претседателство со Советот на ЕУ.