Хумани граѓани пред четири месеци ја спасија штипјанката Елена Манева и нејзините три деца од живот во супстандардсни услови. Но, од куќата која беше градена со донации пред два дена е избрката од роднини на нејзиниот сопруг, кој отслужува затворска казна.
Привремено е сместена кај нејзината мајка, а од куќата, како што вели, не може да ја земe ниту облеката на децата.
Пред да се почне со реновирање на посебниот дел од куќата било побарано и согласност од свекорот на Елена. Ѓеорѓијевски е разочаран и бара да се вклучат институциите. Забележува дека куќата е реновирана во текот на зимaтa, во најголемиот студ, а хумани граѓаните донирале за трите дечиња, а не за некој друг.
Во куќата денеска нема никој, заклучена е, а од Центарот за социјални работи велат дека Елена сѐ уште ги нема известено за случајот. Но, оттаму велат дека веднаш по новинарските јавувања ќе го посетат семејството и ќе реагираат согласно нивните надлежности.
Викторија Димитрова Јованова