Франческо Бањаја стигна до својата прва пол-позиција во 2026 година во Мото ГП шампионатот, откако беше најбрз во квалификациите за трката за Големата награда на Франција.
Бањаја до првата пол-позиција, уште од „Сепанг“ минатата година, стигна со време од 1:29.634. Неговиот тимски колега од фабричкиот тим на Дукати, Марк Маркез, беше втор, иако во првата квалификациска сесија постави нов рекорд на патеката „Ле Ман“. Трето најдобро време имаше лидерот во генералниот пласман, Марко Бецеки, на Априлија.
Фабио ди Џанантонио беше четврти, а потоа следуваа Педро Акоста, Фабио Квартараро, Жоан Мир, Хорхе Мартин и Аи Огура, додека најдобрите десетмина во квалификациите ги заокружи Алекс Маркез.
Во 15 часот е закажана спринт-трката, а утре од 14 часот стартува главната трка за Големата награда на Франција.
