Белата куќа соопшти дека членките на НАТО треба да почнат „амбициозен пакет иницијативи“ пред денешниот самит во Брисел, со цел да се осигура дека Алијансата ќе продолжи да ја одржува безбедноста до 2030 година, но и после тоа.
Се наведува дека 30 членки на Северноатлантската алијанса треба да го преиспитаат Стратешкиот концепт на НАТО, што вклучува став кон „агресивната политика и активности на Русија“, како и „предизвикот што Кина го поставува кон колективната безбедност, просперитет и вредностите на земји членки”.
Додадено е дека треба да се ревидираат и прашања поврзани со транснационални закани, како што се тероризам, кибер напади и климатски промени.
Белата куќа додаде дека новиот Стратешки концепт ќе биде подготвен за усвојување на Самитот на НАТО во 2022 година.
