Ова е ДУП-от Ј -04 Козле донесен 2015 година, со кој во означениот дел се придвидува изградба на педесетина станбени објекти, со приземје, 2 ката и поткровје, слични на овие објекти во Тафталиџе.
На овој зелен простор зад мене се протега ДУП-от Ј04-Козле. Доколку овој предлог ДУП биде донесен, ќе го изгубиме зеленилото, но особено е опасно зашто тој се наоѓа веднаш над Институтот за белодробни заболувања, реагираат граѓаните на социјалните мрежи, но и од „ Иницијативата О2“.
Општината Карпош да ја запре постапката за донесување на Дуп- от Козле, тој да не се става на гласање и да оди од почеток, со вклучување на јавноста, реагираат од О2 Иницијативата.
- Ако веќе сакаат да го донесат и сметаат дека не е никаков проблем, требаше да оди повторно со јавна анкета. Јас сметам дека треба да има Стратегиска оцена за влијание врз животната средина затоа што тој е веќе дел од Парк шумата Водно.Значи таа граница над Парк шумата никој не ја знае, се поместува нагоре. Актуелен е оној Закон за заштита на планината Водно, со кој степен ќе ја заштитиме?
Од Министерството за Животна средина сметаат дека нема потреба за изработка на нова Стратегиска оцена.
- Имајќи предвид дека при носењето на ГУП-от на град Скопје е изработена Стратегиска оцена на влијанието врз животната средина , при носењето на деталните урбанистички планови , како плански документи од пониско ниво , не треба да се изработува Стратегиска оцена , доколку истите се во согласност со ГУП-от, вели заменик министерката за животна средина , Христина Оџаклиеска.
Но од „ О2 Иницијативата остануваат на ставот за изработување на Стратегиска оцена, имајќи предвид , како што велат дека ГУП-от е од 2011 и дека поради актуелните состојби со загадувањето, мора и за дупови да се изработуваат такви оцении. Тие до утре ќе поднесат жалба на одлуката на Општина Карпош за неспроведување Стратегиска оцена.
Градоначалникот Богоев демантира дека со ДУП-от Козле се планирани згради, вели ќе бидат куќи и дека за него има согласност од Министерството за транспорт и врски. Според Богоев, за Дуп-от Козле ќе се одлучува на една од следните седници на Советот. Тој побара да не се преудицира каква одлука ќе биде донесена.
Сотир Трајков