Во тек полициска акција за криумчарење мигранти, уапсени шестмина

Најмалку шест лица се уапсени во големата акција Транспортер за апсење криумчари на мигранти, што денеска ја спроведува полицијата. Во акцијата, како што велат извори од истрагата, разбиена е организирана група, чиј водач бил 33 годишен велешанец. Меѓу уапсените засега нема полицајци. Акцијата за разбивање на група на криумчари на мигранти се спроведува во Скопје, Штип, Велес, и Валандово. Според изворите од истрагата кај криумчарите е пронајдена и дрога. Од  МВР потврдуваат дека во тек е акција, но детали најавуваат по нејзиното завршување.