„Безбеден град“ доаѓа во Охрид и Струга со 40 камери

Во Охрид и Струга ќе се постават вкупно 40 сообраќајни камери како дел од системот „Безбеден град“. Системот има за цел да го зголеми редот на патиштата и да ја подобри безбедноста преку детекција на прекршоци.

Четири камери веќе се поставени на автопатската делница Охрид–Кичево, меѓу селата Горенци, Требеништа, Ботун и Ново Село, но засега не издаваат казни бидејќи се во фаза на техничко тестирање.

Од СВР Охрид посочуваат дека системот ќе придонесе кон намалување на сообраќајните незгоди и последиците по учесниците во сообраќајот, особено пред почетокот на летната туристичка сезона.