Преполни контејнери, отпадоци, сечени гранки, делови од мебел расфрлани околу нив. Вакви слики можат да се забележат речиси насекаде во населбите во Тетово.
Слична е глетката и на влезот на Попова Шапка.
Граѓаните велат дека градот е нечист поради несовесно однесување на поединци, но и поради немањето доволно контејнери.
Порачуваат дека надлежните треба повеќе внимание да посветат на хигиената на јавните површини.
Од општина Тетово, пак, велат дека на некои места интервенираат и во два наврати во текот на денот. Со набавката на нова опрема очекуваат ублажување на проблемот.
Тетово со децении се соочува со проблеми со одлагање на сметот и со диви депонии.
Неколку години функционира претоварна станица кај тетовско Фалише, без потребните еколошки стандарди.
Данијела Билбилоска