Двегодишното дете кое беше тешко повредено за време на новогодишната ноќ и беше во жиовотозагрозувачка состојба утринава им подлегна на повредите во Клинички центар „ Мајка Тереза“ . Двегодишното дете беше примено на интензивна нега во 3 часот наутро со проектил во главата од огнострелно оружје. И покрај сите напори на медицинските тимови, утрово било констатирано дека тоа починало.
„На 01.01.2026 во 00:58 во СВР Скопје, од Комплексот клиники „Мајка Тереза“ е пријавено дека кај нив во многу тешка состојба и со стран предмет во глава е донесено двегодишно дете од Скопје. Полициски службеници излегле на местото и извршиле службен разговор со мајката Г.Д.(21), која појаснила дека на 31.12.2025 пред полноќ излегла пред дворот од куќата на подрачјето на Гази Баба со детето и гледајќи огномет слушнала звук, по што забележала крв од главата на детето. Во полициска станица е извршен службен разговор и со таткото на детето М.А.(26). Во 01:58 часот на 02.01.2026 детето починало, а лекар констатирал смрт“, соопштуваат од МВР.
Од обвинителството соопштуваат дека во однос на починатото 2-годишно дете е издадено наредба за обдукција на телото.