Почна имунизацијата на работниците во приватниот сектор во штипскиот регион. Први имунизирани се вработени од помали фирми, како и касиерки и вработени од еден супер маркет. Фирмите добиваат одреден термин, на којшто треба да се јават на вакциналниот пункт.
Преку „Мој Термин“ денеска се вакцинираат лицата над 68 години од сите општини од источниот регион и хронично болните. Над 300 лица на дијализа, со трансплатација на бубрег, црн дроб, но и оние петмина кои чекаат трансплатација на срце можат да се имунизираат од денеска, списокот е пристигнат од Министерството за здравство. Штипскиот пункт денеска и утре ќе работи само во прва смена, такви насоки добиле од ресорното министерство и негираат дека причината е недостаток на вакцини.
Се очекува овој регионален пункт да биде растеретен деновиве, со отварањето на пунктот во Струмица. Ревакцинацијата со Фајзер почнува на 19 мај, а пациентите треба да се јават на пунктот во Здравствениот дом, а не во салата Јордан Мијалков
Викторија Јованова
