Откако државниот обвинител Љупчо Коцевски си поднесе неотповиклива оставка, Собранието нема да го разгледува предлогот за разрешување на јавниот обвинител, информираше собранискиот спикер Африм Гаши.
„Со тоа, парламентот формално го утврди престанокот на неговата функција без да се отвори расправа по иницијативата“, рече Гаши.
Со детали од Собранието за Вестите на Телма во 12:30 се јави Далиборка Демјанска.
Предходно јавниот обвинител на Република Северна Македонија, Љупчо Коцевски, соопшти дека поднел неотповиклива оставка на својата функција, иако од почетокот тврдел дека евентуалната постапка за неговото разрешување, што постојано беше наведувано како цел на Премиерот Христијан Мицкоски е политичка одлука.
„Функцијата речиси две години ја работев чесно и заминувам со крената глава, но со разочараност“ – изјави Коцевски.
- Од почетокот тврдев дека евентуалната постапка за мое разрешување е политичка одлука. Затоа денеска поднесов неотопвиклива оставка од функцијата Јавен Обвинител на Република Северна Македонија, функцијата што во изминатите помалку од две години ја вршев чесно, достоинствено и од која заминувам со гордо крената глава, но и со разочараност. Поради очигледното не почитување на принципите врз кои почива -правната држава. Доказ за тоа е фактот што дури денес во 10 часот утрово, на само еден час пред закажаниот почеток ми беше доставена покана од Собранието. Да присуствувам на седницата во Собрание на која ќе се расправа за мое разрешување“, рече Коцевски.
Б.С.