Од 10:50 часот е нормализиран сообраќајот на патниот правец Р1301 Охрид – Св. Наум, на делницата меѓу селото Трпејца и Св. Наум, информираат од Ј.П. „Македонијапат“.
Утрово, од 06:30 часот, сообраќајот се одвиваше по една коловозна лента поради одрон, претходно соопшти Автомото сојузот на Македонија (АМСМ). Делницата беше со отежнат режим на возење, а АМСМ апелираше до возачите да бидат исклучително внимателни.
Сега, сообраќајот се одвива непречено, откако одронот е расчистен и нема ограничувања за движење на возилата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.