Авионот што „слета“ во Мавровско Езеро е регистриран во Америка  

Авионот што падна денеска во Мавровското Езеро е од марката Пајпер и е регистриран во САД, потврдија за Телма од истрагата која се води за воздухопловниот инцидент. Летал локално односно од Косово, а во авионот биле двајца косовски државјани.

Полицијата соопшти дека двајцата од авионот успеале да излезат по падот и стигнале до брегот на Мавровско Езеро. Пилотот на авионот 64-годишниот Д.М. во разговор со полицијата изјавил дека поради проблем со моторот слетал во езерото.

Двајцата од авионот се префрлени во болницата, а лекарите утврдиле повреди на еден од нив. Инцидентот се случил околу 12:35 часот денеска.

Миомир Серафиновиќ

Има повредени – мал авион падна во Мавровското езеро