Во судницата во Идризово денеска продолжува судењето за трагичниот пожар во дискотеката „Пулс“.
На претходното рочиште завршија воведните обраќања на одбраната, додека сите обвинети – 35 физички и три правни лица – повторија дека не се чувствуваат виновни за настанот во кој загинаа 63 лица, а над 200 беа повредени.
Обвинителството, застапувано од тим од 15 јавни обвинители, најави дека ќе презентира силни докази кои ќе покажат дека клубот бил „смртоносна стапица“ уште од неговото отворање.
Според нив, трагедијата е резултат на систематска негрижа и сериозни институционални пропусти… Судењето се одвива под засилени безбедносни мерки, со присуство на роднините на жртвите, обвинетите и јавноста.
Во Собранието вчера пак се одржа и првата анкетна седница за случајот, на која говореа родителите на загинатите и пратениците. Родителите порачаа дека ќе ја бараат правдата до крај, истакнувајќи дека очекуваат целосно расчистување на одговорноста за најтешката трагедија од ваков тип во земјата.