Управата за хидрометеоролошки работи издаде жолто ниво на предупредување за поплави поради високите водостоји во неколку реки низ земјата. Најголема опасност се очекува кај реките Пчиња, Брегалница, Лепенец и Струмица, како и нивните притоки и суводолиците.
Во текот на ноќта е забележано значително зголемување на водостоите, а според прогнозите, високите нивоа на вода ќе останат и денеска. На поединечни места се очекуваат локални излевања и заезерувања на водата.
Исто така, висок водостој е забележан и на горниот тек на реката Вардар. Во западниот дел на земјата прирастот на водостоите е помал, поради студеното време и снежните врнежи на планините.
T.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.