Министерот за здравство Венко Филипче денес ја прими првата доза од ковид вакцината на кинеската компанија „Синофарм“ и рече дека добро се чувствува. Вчера со кинеската „Синофарм“ се вакцинираше премиерот Зоран Заев.
„Вакцината е нешто што сите го чекавме. Апелирам сите да се свесни дека вакцините се безбедни, дека несаканите ефекти се навистина мали“, кажа Филипче по вакцинирањето.
Сите министри, согласно Националниот план за имунизација, во наредните 10 до 14 дена ќе ја примат својата доза, најави тој, додавајќи оти така е одлучено, Владата да се вакцинира после Собранието.
Во земјава имунизацијата се одвива со вакцините на „Фајзер“, „АстраЗенека“, „спутник“ и „Синофарм“.
Две дози на ковид вацкина досега примиле 20.650 граѓани. Со последните бројки 28% од населението над 70 години имаат примено барем една доза вакцина.