Комесарот за соседство и проширување, Оливер Вархеи, следната недела ќе го посети Западен Балкан, за да го обележи доаѓањето на првите вакцини против COVID-19 од Европската унија за регионот.
Вкупно 651,000 дози на Фајзер –Бионтек ќе бидат испорачани во регионот од мај до август, а со кои треба да се забрза вакцинациијата воз емјите од Западниот Балкан, пред се на здравствените работници.
„Патувам за Западен Балкан за да пренесам јасна порака: Се грижиме! Ние се грижиме за нашите партнери и за нивните здравствени работници и за најранливите. Испораката на вакцините ја потврдува нашата постојана посветеност да обезбедиме поддршка, како што тоа го правиме уште од избувнувањето на пандемијата. Посилни заедно! “, порача Вархеи.
Вархеи в понеделник попладне ќе ја посети Србија, по што в вторник ќе следат Босна и Херцеговина, Црна Гора и Македонија, и Албанија и Косово в среда.
Вакцините од ЕУ се финансирани од пакет вреден 70 милиони евра, усвоен од Европската комисија во декември 2020 година, а со помош на Австрија дистрибуирани до партнер од Западен Балкан.
Тамара Грначароска