Движењето „За заедничка Македонија“ се приклучуваат од денеска и официјално кон барањата за укинување на пресудите на осудените за настаните од 27-ми април и повторен судски процес. Според нив на 27 април 2017 немало тероризам, а уставниот поредок бил загрозен на собраниските седници.
Во неделата се одржаа протести под мотото „Демократија во Македонија и слобода за уставобранителите“, организиран од дијаспората, а поддржан од опозициската ВМРО – ДПМНЕ. Бараа Укинување на пресудите, пуштање на слобода и повторен судски процес.
На 27 април пред 4 години се случи „крвавиот четврток“, кога лица со фантомки и маса луѓе насилно упаднаа во македонскиот парламент.
Учесници во протестите организирани од граѓанската иницијатива „За заедничка Македонија“, кои бараа отфрлување на т.н. „Тиранска платформа“ и одржување нови парламентарни избори, насилно упаднаа во македонскиот законодавен дом.
Упадот се случи во 19 часот кога маскирани лица беа пропуштени од собраниското обезбедување и упаднаа во салата за новинари. Настанот резултираше со агресија и дивеење на протестирачите, кои физички нападнаа повеќе пратеници и новинари. Со тешки телесни повреди се здобија Зоран Заев, Зијадин Села, како и Радмила Шекеринска.