Само три часа пред утрешната владината седница на која ќе се одлучува и за директорската судбина на Стојко Пауновски ќе имаат средба со премиерот Заев, пазарните инспектори кои го подржуваат директорот кој што има тврд став дека не треба непотребен и некомпетентен кадар во инспекторатот од таканаречените рамковни вработени кои со години немаа работни места, а земаа плата. Премиерот не кажа директно, но потврдата за смената на Пауновски се насетуваше во неговите одговори- цитираше законски членови кои биле прекршени од првиот пазарен инспектор, како и тоа дека само во април трипати му укажале на побунетиот директор дека треба да ја промени систематизацијата и да ги апсорбира 32-ца старо вработени, а оваа година распоредени. Сепак Заев остава можност и да го промени мислењето од инспекторите кои ги пофали за се што сработеа во корона пандемијата.
Но на прашање зошто Етичкиот кодекс се применува на Пауновски, а не беше применет на Драги Рашковски кој за своите дела и сомнежите сега е во притвор, премиерот имаше сопствено видување.
Директорот Пауновски телефонски ни изјави дека премиерот денеска изјавил она што му било сервирано, а за сите наводно доставени известувања до него, Пауновски вели дека може лесно да се провери во архивата на ДПИ дали се пратени и стигнати или пак како што вели за средување на проблемот имало телефонски повици од шефица во еден министерски кабинет.
Миомир Серафиновиќ
