Во ваква констелација на односите, кога над 60 отсто од вкупните приходи на општините се трансфери од централната власт, ние не можеме да зборуваме за автономност и независност на локалната самоуправа, вели Аце Коцевски, поранешен градоначалник на Општина Велес во три мандати, во вечерашната дебата во „Вин-Вин“ на ТВ Телма.
„Затоа што најголемиот дел од парите доаѓаат од централната власт, а тоа е во спротивност и со членот 9 од европската Повелба за локална самоуправа на Советот на Европа која е ратификувана и од нашето Собрание и се смета како дел од нашето законодавство, каде што точно се наведени принципите по кои треба да се раководи нашата Република. Дека општините треба да имаат дискреционо право да одлучуваат како и за што ќе ги трошат парите. Токму затоа, Македонија е една од фискално најцентрализираните држави во Европа. Проблемите се многу големи“, смета Коцевски.
С.Д.