Судењето против поранешниот директор на Клиниката за онкологија, Нино Васев, и уште двајца онколози обвинети за несовесно лекување пациенти е одложено за 8 октомври.
Причината за одложувањето е барањето од одбраната на Васев, државниот јавен обвинител Љупчо Коцевски да го преземе предметот или да го делегира на друго обвинителство.
Дополнително, адвокатите Мартин Митровски и Никола Ставрев, кои досега го застапуваа Васев, се повлекоа од случајот, а нови бранители се Дељо Кадиев и Боби Спирковски. На денешното рочиште требаше да бидат сослушани сведоци предложени од обвинителството.
- Со оглед предлогот упатен до државниот јавен обвинител Љупчо Коцевски со кој се бара преземање на кривично гонење, по кој поднесок е потребно да одлучи јавниот обвинител на РСМ, судот констатира дека не се исполнети законските услови за водење на постапката од кои причини глабната расправа се одложува за 8 октомври, изјави судијката Снежана Марковска.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.