Малолетник падна од објект во изградба во Охрид

Малолетник паднал од околу седум метри висина на објект во изградба во охридската населба „Бејбунар“, a сопственикот на објектот доби кривична пријава поради сомнение за сторени кривични дела „повреда на правата од работен однос“ и „непреземање мерки за заштита при работа“.

Охриѓанецот како сопственик на правното лице, не се придржувал кон законот за засновање и престанок на работниот однос кон малолетник-ученик од Охрид, кој изведувал пракса во правното лице, не се придржувал кон законот и колективниот договор за мерките за заштита при работа, односно не му обезбедил заштита при извршување на работните ангажмани на практикантот, поради што малолетникот паднал од околу седум метри висина на објектот во изградба.