Премиерот Христијан Мицкоски остро ја критикуваше условната казна изречена за докторката од случајот Онкологија, оценувајќи ја како срамна и показател за длабоките проблеми во судскиот систем.
Според него, ваквите одлуки го рушат кредибилитетот на институциите и ја поткопуваат правдата.
- „Со вакви одлуки, судиите и обвинителите не ги заслужуваат ни сегашните плати, а не пак да бараат повисоки“, рече Мицкоски, објаснувајќи дека најавените реформи во правосудството всушност се сведуваат на барања за зголемување на буџетите и платите, иако довербата на јавноста во овие институции е под 2%.
Тој додаде дека Владата не бега од зголемување на буџетите за судството и обвинителството, но само под услов резултатите да го оправдаат тоа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.