Македонското собрание денеска не ги усвои измените на изборниот законик. Според предлогот, независните листи за советници и кандидати за градоначалници требаше да соберат потписи од 0.95 проценти од запишаните граѓани во избирачкиот список за конкретната општина или Градот Скопје.
Во комисиската расправа по измените Левица поднесе амандман со кој процентот 0,95 се замени со 0.5 што беше прифатено од сите, освен од Европскиот фронт.
Откако предлог измените се вратија на пленарна седница, за нивно усвојување гласаа 66 пратеници додека 18 беа против, но во гласањето на немнозинските заедници, 11 гласаа „за“, а 18 пратеници „против“ со што, заради неисполнетиот услов за бадентерово мнозинство предлог измените не беа усвоени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.