Лицата со попреченост да се стават во приоритетните групи за вакцинација против ковид-19, апелираат до канцеларијата на Народниот правобранител. Оттаму велат дека направиле анализа на Националниот план за вакцинација и никаде не ги сретнале лицата со попреченост како и оние што се грижат за нив, без разлика дали се членови на нивните семејства или асистенти. Со ова барање се обратиле и до Премиерот и до Министерот за здравство.
Во меѓувреме во внатрешноста вакцинацијата на возрасните граѓани се одвива без проблеми. Досега во Струмица се вакцинирани 330 лица. Струмичани велат дека едвај чекаат да има вакцини за сите, сметаат дека само така ќе се заштитат.
Во Струмица пристигнаа 600 вакцини Астразенека за вакцинирање на возрасни над 77 години.
Сузана Мицева
